bandua net

Tegnix liderou o cambio de sistema polo que optou unha cooperativa galega, Cidadanía.

“Dábanos moita preguiza cambiar, pero pronto vimos a compensación e o proveito que lle podiamos quitar e non tivemos dúbidas”, recorda Ana Lorenzo sobre o proceso de migración dos sistemas informáticos a software libre que afrontaron en Cidadanía, unha empresa cooperativa que integra profesionais do ámbito das ciencias sociais. O que en principio semellaba unha molestia para os vinte traballadores que conforman ese colectivo derivou nun aumento da produtividade.

[+ info]

Estas I Xornadas da Participación Cidadá a través das TIC’s en Allariz queren convertirse nun escaparate práctico de propostas e ideas de cara a crear un modelo que sirva de exemplo para concellos de poboacións rurais dispersas, así como presentar de maneira práctica ferramentas e aplicacións que permitan crear contidos para chegar de maneira rápida e sinxela en calqueira comunidade sexa de ámbito social, educativo ou técnico.

[+ info]

Benaventuradas sexan as hacker porque elas comparten o seu código.

Estou en Málaga, na Conferencia Internacional de Software Libre. A verdade é que non tiña pensado publicar nada desde aquí (e sobre todo co vago que estou ultimamente para iso), pero os mozos da universidade déronme uns parrafos que non podo deixar de compartir con todos os meus lectores.

[+ info]

Andrés Milleiro e GalizaID: algo fresco na web social galega

O martes 14 de outubro tres vintañeiros, da xeración que moitos denominan como “nativos dixitais” -Andrés Milleiro, Fran Diéguez e Héctor Anllo- presentaron GalizaID, un servizo que permite solucionar un problema cada vez máis presente en usuarios cada vez máis activos en Internet: “lembrar a combinación de usuario e contrasinal nos múltiples servizos web que empregamos”. O que se trata é de que teñas unha opción galega e en galego para dispoñer do protocolo OpenID, que permite que manteñas unha identidade única en Internet e, en certo xeito, unha identidade non controlada por ningunha empresa, como Yahoo! ou Google. É dicir, utilidade e filosofía de Internet reunidas nun servizo.

GalizaID é un proxecto fresco, feito de xeito altruísta, e que renova e dálle aire á web social galega.

Fonte: Capítulo 0

COELCO (Comercio Electrónico do Coñecemento) é un proxecto da Fundación Rede de Colexios Profesionais, xestionado por RECOL Networks, S.A., para promover a utilización de Internet e as Novas Tecnoloxías entre os profesionais e as PEMES. O financiamento do proxecto provén de axudas públicas da Unión Europea (fondos FEDER) e de España (Ministerio de Industria), e tradúcese en subvencións de ata o 60% do investimento realizado.
[+ info]

Os traballadores autónomos de Galiza poderán pedir axudas para a adquisición de computadores a partir do xoves 9 de outubro. Os equipos informáticos que adquiran, en virtude desta subvención, contarán con ferramentas ofimáticas de Software Libre de xeito gratuíto, con independencia de que dispoñan doutras aplicacións de pago que poidan interesar ao traballador.

Con este propósito a Dirección Xeral de Promoción Industrial e da Sociedade da Información da Consellaría de Innovación e Industria fixo entrega previamente ás entidades asinantes de dous CDs cos programas de instalación de Linux e aplicativos de software libre, así como dun DVD con ferramentas de xestión para PEMES. Con isto facilitouse o cumprimento das obrigas por parte dos comercios para a xestión desta liña de axudas.

[+ info]

Un grupo de amigos entusiastas creamos debug_mode=ON por moitos motivos. Por Internet é frecuente atopar páxinas dunha temática concreta. Con todo non só nos interesa unha plataforma ou linguaxe. A informática é unha ciencia multidisciplinar. Un desenvolvedor web debe saber de HTML, CSS, JavaScript, seguridade, linguaxes ao lado do servidor, SEO… Un administrador de sistemas debe saber de bash, Perl, Python, Linux, Windows… Por iso quixemos facer unha páxina de referencia na que poidas atopar a información que necesitas.

Por iso fixemos debug_mode=ON: unha rede social para programadores e informáticos en xeral.

Fonte: barrapunto.com