bandua net

Como parte dunha nova liña de estudo, en busca de alternativas para unha nova sociedade máis saudabel e sostibel, imos analizar as características e repercusións do noso traballo, a nosa actividade, en nós mesmos e na nosa contorna. Para centrar o debate definín as características principais que debería reunir ese traballo “perfecto”, bautizado provisionalmente como altertraballo (outro traballo, outro estilo de traballar):

O altertraballo é unha aposta por realizar o traballo que realmente nos gusta, o tempo que nós consideremos oportuno e deixando suficiente espazo para o noso lecer; que estimula a nosa creatividade e axúdanos a desenvolvernos persoalmente. Un traballo polo que nos sentimos respectados e xustamente valorados, suficiente para manter unha vida digna, realizado coa calma e dedicación necesarios; un traballo no que depositamos a nosa confianza para unha vida de satisfaccións e prosperidade.

Estes son os puntos principais desta nova forma de entender o traballo:

Decálogo do altertraballo

1. As persoas teñen dereito a estudar e realizar o traballo que prefiran e para o que están máis capacitadas, en proveito seu e da súa comunidade, e esta debe garantir os medios para o bo desenvolvemento do seu labor, saíndo ambas beneficiadas.
2. Traballarei no que máis me gusta, priorizando a miña satisfacción, a gañar máis diñeiro da forma que sexa.
3. O traballo debe ser capaz de estimular a nosa creatividade e desenvolvernos como persoas.
4. Dedicarei á miña xornada o tempo xusto e deixando o espazo necesario para min, a miña familia e os meus amigos/as.
5. Realizarei o meu traballo con calma, agarimo e coñecemento, para que sexa proveitoso de verdade e poida sentirme orgulloso/a de el.
6. Un traballo debe ser suficiente para manter unha vida digna e unha garantía para o meu futuro.
7. Todos os traballadores/as son necesarios, desde o obreiro até o dirixente da empresa, e se relaciónan para beneficiarse mutuamente. Por tanto todos/as teñen a mesma importancia e deben ser xustamente valorados e respectados, e recompensados equitativamente.
8. Todas as persoas están capacitadas para realizar algunha tarefa, desde os nenos axudando, até os anciáns ensinando, así que deben responsabilizarse de facela como único xeito de obter o seu sustento. Ninguén está lexitimado para vivir sen achegar algo útil á súa comunidade. Os conceptos modernos de xubilación ou vacacións apártanse das leis da natureza e deben ser revisados.
9. O meu traballo debe servir para construír un mundo mellor, máis solidario e sostible e non para crear máis miseria, consumismo e problemas ambientais.
10. Son preferibeis as tarefas que resolven as nosas necesidades esenciais e facilitan a autosuficiencia (produción de alimentos, cociña, autoconstrucción, fabricación de ferramentas, etc.), pois fomentan a sustentabilidade e teñen xa que logo unha consideración ética superior (altertraballo sostible).
11. O altertraballo é unha actitude, un camiño máis que unha meta. O meu traballo non será sempre tan bo como quixese, pero manterei unha mentalidade positiva para atopar a mellor alternativa para dedicarme ao que desexo.

Fonte: evolucionlibre.net

Trackback URI | RSS Comentarios