Experimentación poética. Translittera. novas / axenda Data: 17 Nov 2005 - 08:04 PM |
|
Translittera é un espazo diversificado creado para a experimentación da poesía (en todas as súas formas) para alén do seu substrato máis habitual, o papel. Translittera non é unha serie de recitais, senón unha plataforma de contacto co público a través da intervención poética, do acto poético, da poesía en acción, desde perspectivas dispares e múltiples. É unha bomba no centro da palabra poesía que produce centos de anacos de metralla poética; anacos que, antes de se extraviar, son recollidos por unha serie de creadores dispostos a reconstruír cadanseu senso particular a partir desa estilla. As sesións desenvolveranse en cinco xornadas a partir das 19.00 h. nas fundacións Granell (Compostela), Seoane (A Coruña), Fdez. Flórez (Cecebre), Laxeiro (Vigo) e Otero Pedraio (Trasalba-Ourense), e cada unha cun programa particular e irrepetíbel no que se integran accións poéticas e proxección de poemas visuais de diversos creadores, sendo todos os días a entrada de balde.
|
|
Este artigo ven de alg-a.com http://bandua.net/info/040908_alg-a/ A URL desta historia é : http://bandua.net/info/040908_alg-a/modules.php?op=modload&name=News&file=article&sid=787 |
