Enviado por bandua net o 15 de Setembro
[dobre convocatoria]
VENRES 12 SETEMBRO. 19.30h
Sala da FNAC (A CORUÑA)
MARTES 16 SETEMBRO. 11.45h
Cafetaría do MARCO (VIGO)
Non foi unha banda, nin o é, nin o será. Pero detrás de Ecléctica Ensemble hai un grupo de músicos dispostos á irreverencia, ao atrevemento, á provocación, á supremacia estética, á maquillaxe, á sátira… a encher a música tradicional de ironía e a darlle voltas até fartar.
O venres 12 e o martes 16 de setembro, na sala da Fnac d’A Coruña e na cafetaría do MARCO de Vigo respectivamente, preséntase ECLÉCTICA ENSEMBLE, seis temas gravados nos estudios COH3 e masterizados en Londres no que atopamos colaboracións de músicos coma Nacho Muñoz, Óscar Fernández Sanjurjo, Philippe Copin, Pedro Pascual ou Fernando Abreu, entre outros.
Ler mais…
Enviado por bandua net o 9 de Julho
Muitos parabéns a quem o fixerom possível e a quem o conseguirom!!!
Embaixo podedes ver as fotos das intrépidas compradoras o día da festa de apresentaçom. Estám dedicadas, de esquerda a direita, por Davide, Chito, Richard e Ugia.
Ler mais…
Enviado por bandua net o 9 de Julho
Já revelamos o carrete, aqui está!
Ler mais…
Enviado por bandua net o 17 de Junho
Posta à venda do VINILO, apresentaçom aos meios, presença do disco no Festigal,… e mais.
Olho ao parche!
Enviado por bandua net o 16 de Junho
SÁBADO 21 DE JUNHO, 22h., CGAC (Compostela)
Ecléctica Ensemble ao vivo
Com Quico Cadaval de mestre-de-cerimónias e batás, bailarinas, Djs, videocriadores, poetas,… e todos os músicos que participarom no registro do disco.
Dentro das celebrações do décimo quinto aniversário do CGAC, os artistas que colaborarom na gravaçom dos temas do primeiro e último álbum de Ecléctica reunem-se em um evento irrepetível: umha performance interdisciplinar que unirá música, literatura, artes plásticas e dança contemporânea.
Se ainda nom conheces ao grupo esta é umha oportunidade única de ver um ecléctico espectáculo cheio de adjectivos esdrúxulos…
PROGRAMA COMPLETO Ler mais…
Enviado por bandua net o 16 de Junho
Logo de baixar dos cenários no 2004, Ecléctica Ensemble fechou-se no laboratório musical durante três anos —do 2005 ao 2007—. Convidarom a doze músicos a realizarem improvisações com eles a partir dos materiais musicais iniciais e o resultado é o que temos aqui, um vinilo tam ecléctico e surpreendente como era de esperar.
O disco —em formato CD— podes comprá-lo na festa de apresentaçom ou descarregá-lo desde esta mesma web: um total de seis temas gravados nos estudos COH3 e masterizados em Londres.
Além dos componentes originários —Ugia Pedreira, Ramom Pinheiro, Richard Rivera e Davide Salvado— no disco colaboram músicos de eclécticas procedências como Nacho Muñoz, Óscar Fernández Sanjurjo, Philippe Copin, Pedro Pascual ou Fernando Abreu, entre outros.
A estética do disco também é fruto de eclectismos vários: desde os gráficos de Misha Bies Golas e Pancho Lapeña até os textos de Martázul —a quase quinta componente do grupo— ou Quico Cadaval.
Também estará disponível a travês da Lonxa Cultural.